قصيدة (ليش اجيتي) لشاعر الحب محمد رحيمة الطائي

احبكم والله احبكم

قصيدة ليش اجيتي
لشاعر الحب محمد رحيمة الطائي
_ شذكرج بية واجيتي...
وين ... صار سنين مامرت ولا نسمة على بيتي ...
شذكرج بية بعد هاي السنين انتي مو اصلا نسيتي ...
دورت بين الدفاتر ... بين طويات الهموم ... بين احلامي القديمة ... وغافية انتي ومادريتي ...
هذا بختي الجابج انتي ... اني وياج على نيتي ...
وما نسيتج ... انتي يمعودة النسيتي ...
..........
_ اني ... اني وتكلي نسيتك ... انت ما تعرف الصار ...
اني بعدك شجرة ماتت والغصن ذب الخضار ...
وصار ليل العمر كله ... وعاند بجيته النهار ...
واني لتكلي نسيتك انت ماتعرف الصار ...
..........
_ شنهو الصار ... انتي مو عفتيني سكتة ... ولا سألتي ولا اظن اسمي مرة خطر عليج
ولا ذكرتي ايامنا وكعدة الحلوة ... ولا ايدية الشابجت بالحب ايديج ...
وج ليش ؟؟؟ مو اني احبج ... بس شكلج اني اعتب على روحي ما اعتب عليج ...
..........
_ لا حبيبي ... شلون انسة ... وهو ياهو الينسة عمرة ...
شلون انسة ... وي كل لحظة العشتهة وياك ذكرة ...
هنا كعدنة ... هنا مشينة ... هنا نزل دمعي على خدك كطرة كطرة ...
جان كبلك ليلي مظلم ... ومن عرفتك كمت اشوف الدنيا كمرة ...
شلون انسة ... وهو ياهو الينسة عمرة ...
..........
_ لا ... انتي بعتي ايامي واحلى الذكريات ...
واني ضميتج بكلبي ورسمج بعيني بات ...
صدكي لو رايد اعوفج جان عفتج ... يمي اشكال البنات ...
بس لأن اني احبج واحس بس وياج تحلالي الحياة ...

» كلام الحب
» أجمل خمسين بيت (( رومانسي )) قيل في الحب و الغزل
» كلمات اغنية / حرام أنا ما سويتلك شي / محمد المازم / روووعه
» هوار ملا محمد يؤكد اشتياقه لملعب الشعب ولجمهور القوة الجوية